🔍 أداة فحص قبول أدسنس
شرح أداة فحص مدى تأهيل موقعك لأدسنس
بعد ما تستخدم الأداة اللي فوق، لازم تفهم إن نتيجة الفحص مش بس رقم أو نسبة، لكنها مؤشر حقيقي يوضح لك إذا كنت جاهز تتقدم لجوجل أدسنس ولا لسه قدامك شوية شغل.
الأداة بتشتغل بشكل ذكي وسريع وبتفحص حاجات أساسية بتحدد فرص القبول زي
1. هل الموقع مؤمن بـ HTTPS؟
أدسنس ما بيقبلش أي موقع بيشتغل بـ HTTP فقط. لازم يكون عندك شهادة SSL عشان تزود الأمان وتكسب ثقة الزوار.
لو النتيجة قالتك "❌ الموقع لا يستخدم HTTPS"، يبقى لازم تطلب من شركة الاستضافة تفعّل الشهادة فورًا.
2. هل الموقع شغّال فعليًا؟
الأداة بتجرب تدخل موقعك وتتأكد إنه شغّال ومفيش مشاكل في التحميل.
لو موقعك مش بيفتح أو بيدي خطأ، فدي مشكلة كبيرة لازم تصلحها قبل ما تقدم لأدسنس.
3. هل فيه ملفات sitemap.xml و robots.txt؟
الملفين دول بيساعدوا جوجل يفهم محتوى موقعك ويأرشفه بشكل أفضل.
لو الأداة قالتك إنهم مش موجودين، حاول تنشئهم فورًا، وده بسهولة من أدوات زي Yoast (لو بتستخدم ووردبريس) أو من إعدادات بلوجر.
4. الصفحات الأساسية
حتى لو الموقع شكله ممتاز، أدسنس عايز يلاقي صفحات واضحة زي
1. انشاء صفحة من نحن
2. انشاء صفحة سياسة الخصوصية
3. انشاء صفحة اتصل بنا
4. انشاء صفحة اتفاقية الاستخدام
الأداة بتدّيك تنبيه لو الصفحات دي مش واضحة، وانت تقدر تضيفها بسهولة جدًا.
5. المحتوى وجودته
رغم إن الأداة مش بتعد المقالات، لكن بتفكّرك إنك لازم يكون عندك عدد كافي من المقالات (يفضل 10 مقالات أو أكتر)، والمحتوى لازم يكون حصري ومش منقول من أي موقع تاني.
6. روابط فحص خارجية للمساعدة
لو عايز تعرف أكتر عن سرعة موقعك أو توافقه مع الموبايل، هتلاقي فوق روابط مهمة لأدوات زي:
استخدمهم لو عايز تحليل أعمق للموقع.
⚠️ ملحوظة مهمة: الأداة دي مش من جوجل ومش بتضمن القبول 100%، لكن بتساعدك تاخد فكرة عامة، وتزود فرصك في القبول بنسبة كبيرة.
نصيحة أخيرة من كنزنت لو لقيت نتيجة الفحص كويسة (مثلاً فوق 75%)، حاول تراجع موقعك كويس، وابدأ التقديم.
ولو النسبة ضعيفة، خليك هادي وخد وقتك تظبط موقعك الأول، وبعدين جرّب تقدم.
الهدف مش إنك تقدم بسرعة الهدف إنك تتقبل من أول مرة 💪