في سنة 2025 أغلب الشركات بقت بتعتمد على نظام ذكي اسمه ATS (Applicant Tracking System) علشان يفلتر السير الذاتية اللي بتجيلها النظام ده بيقرأ الـCV بشكل آلي وبيقرر إذا كانت مناسبة للوظيفة ولا لأ قبل ما أي شخص يشوفها.
وعشان كده بقى لازم تعمل فحص السيرة الذاتية ATS قبل ما تقدم على أي شغل علشان تتأكد إن سيرتك مكتوبة بالطريقة اللي النظام يفهمها ويتقبلها.
في المقال ده هنراجع أفضل المواقع اللي تقدر تستخدمها في فحص سيرتك الذاتية ATS وهنوضح مميزات وعيوب كل موقع منهم بالتفصيل وكمان هنقولك إزاي تختبر سيرتك بنفسك خطوة بخطوة.
ما هو أفضل موقع فحص السيرة الذاتية ATS؟
فيه مواقع كتير بتقدم الخدمة دي بس مش كلها بنفس الجودة علشان كده جمعنالك هنا أفضل مواقع فحص السيرة الذاتية ATS في 2025 اللي فعلاً بتساعدك تزود فرص قبولك في أي وظيفة.
1. Jobscan – أدق موقع لفحص السيرة الذاتية ATS
موقع Jobscan هو الأشهر في المجال ده وده لأنه بيعمل مقارنة بين سيرتك الذاتية ووصف الوظيفة اللي بتقدم عليها
بيحسبلك نسبة التوافق بين الاتنين وبيقولك بالظبط إيه الكلمات المفتاحية اللي ناقصه وإزاي تعدل الـCV عشان تعدي نظام الـATS بسهولة.
كمان بيقدملك تقرير تفصيلي يوضحلك النقاط اللي محتاجة تعديل سواء في المهارات أو طريقة الكتابة أوحتى التنسيق العيب الوحيد إن النسخة المجانية محدودة شوية لكن المدفوعة بتديك دقة عالية جدًا وتستاهل.
- المميزات الرئيسية: دقة عالية في تحليل الكلمات المفتاحية تقارير مفصلة.
- العيوب: الخطة المجانية محدودة والسعر مرتفع شوية.
2. Resume Worded – تحليل ذكي للسيرة الذاتية
Resume Worded بيعتمد على الذكاء الصناعي لتحليل كل جزء في سيرتك الذاتية بدقة الموقع بيقيمك بناءً على معايير الـATS، وبيطلعلك “نقاط” بتوضح مدى قوتك في كل قسم وسواء الخبرات المهارات أوالتنسيق.
الجميل كمان إنه بيحلل ملفك على لينكدإن لو حبيت تعرف مدى جاذبيتك للمديرين لكن النسخة المجانية محدودة شوية والمدفوعة هي اللي فيها التحليل الكامل.
- المميزات: تحليل شامل وتقييم رقمي دقيق ونصائح عملية للتحسين.
- العيوب: بعض المميزات متاحة في النسخة المدفوعة فقط.
3. Rezi – أفضل موقع مجاني لفحص السيرة الذاتية ATS
لو مش حابب تدفع فلوس فـ Rezi يعتبر الاختيار المثالي ليك الموقع بيفحص سيرتك مجانًا وبيقولك كل الأخطاء اللي ممكن تخلي الـATS يرفضها
كمان بيقترحلك تعديلات على الكلمات المفتاحية وطريقة الكتابة علشان تزوّد فرص قبولك Rezi بيساعدك كمان تبني CV جديد من الصفر متوافق مع نظام الـATS.
- المميزات: مجاني وسهل الاستخدام وتحليل دقيق.
- العيوب: خيارات التخصيص محدودة مقارنة بالمواقع المدفوعة.
4. SkillSyncer – مطابقة دقيقة بين الوظيفة والسيرة الذاتية
SkillSyncer متخصص في مقارنة سيرتك مع وصف الوظيفة اللي مقدم عليها بيحسبلك نسبة التوافق وبيوضحلك الكلمات المفتاحية اللي ناقصه أو مستخدمها غلط
كمان بيحلل أسلوب الكتابة مش بس الكلمات يعني بيشوف لو الجمل مناسبة للوظيفة أو لا الواجهة بسيطة جدًا وسريعة في الاستخدام والنتائج بتظهر فورًا.
- المميزات: تحليل ذكي ودقيق واجهة سهلة ونتائج فورية.
- العيوب: النسخة المجانية بتكون محدودة شوية في عدد الفحوصات.
5. Teal – أداة متكاملة لإدارة الوظائف وفحص الـCV
موقع Teal بيجمع بين إدارة الوظائف اللي بتقدم فيها وفحص السيرة الذاتية بأسلوب احترافي يعني تقدر تتابع كل التقديمات بتاعتك وتشوف تقييم سيرتك
لكل وظيفة على حدة بيقدملك تحليل زي Jobscan وكمان عنده إضافة لمتصفح كروم بتسهل عليك التقديم من مواقع زي LinkedIn هو ممتاز لأي حد بيقدم على أكتر من شغل في وقت واحد.
- المميزات: إدارة الوظائف + فحص ATS في نفس الوقت.
- العيوب: بعض الخصائص محتاجة اشتراك مدفوع.
مقارنة سريعة بين أفضل مواقع فحص السيرة الذاتية (ATS) 2025
جدول مبسّط يوضح مميزات وعيوب وخيارات الاشتراك لكل موقع يساعدك تعمل فحص السيرة الذاتية ATS قبل التقديم.
| الموقع | المميزات الرئيسية | العيوب | الخطة المجانية | الأفضل لـ | تقدير السعر |
|---|---|---|---|---|---|
| Jobscan | دقة عالية في مقارنة السيرة مع وصف الوظيفة، تقرير مفصّل لكلمات المفتاحية، واقتراحات تحسين واضحة. | الخطة المجانية محدودة في عدد الفحوصات، والخطة المدفوعة سعرها مرتفع نسبيًا. | نسخة مجانية بعدد محدود من الفحوصات | الباحثين الجادين ووظائف الشركات الكبرى | اشتراك شهري مرتفع |
| Resume Worded | تحليل ذكي لكل قسم من السيرة الذاتية، يعطي تقييم شامل، ويدعم فحص ملف LinkedIn. | بعض المميزات المتقدمة محجوزة للنسخة المدفوعة، والنسخة المجانية محدودة جزئيًا. | مجانية بجزء من الأدوات | المحترفين اللي عايزين تقييم شامل ودقيق | خطة مدفوعة متوسطة |
| Rezi | يقدم فحص مجاني شامل، مع ملاحظات فورية لتوافق الـATS، ويسمح ببناء سيرة متوافقة من البداية. | التصميم محدود في النسخة المجانية، وبعض الميزات الاحترافية مدفوعة فقط. | مجاني بدرجة كبيرة | المبتدئين أو الباحثين عن حل مجاني | مجاني / خطط بسيطة مدفوعة |
| SkillSyncer | تركيز على الكلمات المفتاحية ومطابقة الوظائف، يقدم نتائج دقيقة وسريعة. | الخطة المجانية محدودة، وبعض الميزات المتقدمة تحتاج اشتراك مدفوع. | خطة مجانية محدودة | المتقدمين لوظائف تنافسية | تكلفة متوسطة |
| Teal | يجمع بين فحص السيرة الذاتية وإدارة التقديمات، ويوفر لوحة متابعة سهلة وبإضافة كروم مفيدة. | الميزات الاحترافية تحتاج اشتراك مدفوع للاستفادة الكاملة. | مجاني مع ميزات مدفوعة | اللي بيقدموا على وظائف كتير وعايزين تنظيم | مجاني جزئيًا / مدفوع للميزات الإضافية |
إزاي تختبر سيرتك الذاتية لـ ATS؟
الموضوع بسيط جدًا ومش محتاج خبرة تقنية خالص لأن المواقع دي بتسهّل العملية كلها في كام خطوة:
- افتح موقع فحص السيرة الذاتية ATS زي Jobscan أو Rezi أو Resume Worded دي مواقع متخصصة بتقارن سيرتك الذاتية مع الوصف الوظيفي اللي ناوي تقدم عليه.
- حمّل سيرتك الذاتية (CV) بصيغة PDF أو Word، ويفضّل تكون منظمة كويس من غير جداول معقدة أو رموز غريبة، لأن بعض أنظمة ATS ما بتقدرش تقراها صح.
- انسخ نص إعلان الوظيفة من الموقع اللي شفتها عليه (زي LinkedIn أو Bayt مثلاً) وحطّه في الخانة المخصصة للوصف الوظيفي.
- الموقع هيحلّل الملفين سوا ويطلعلك تقرير فيه كل التفاصيل الكلمات المفتاحية الناقصة مدى تطابق الخبرة المطلوبة مع اللي مكتوب عندك وأماكن التحسين.
- راجع التقرير وعدّل سيرتك الذاتية بناءً على الملاحظات غير ترتيب الجمل وضيف كلمات مفتاحية واهتم بالأفعال اللي تدل على إنجازاتك.
أعد الفحص تاني بعد التعديل لحد ما توصل نسبة التوافق Match Rate لـ 80% أو أكتر وساعتها تكون سيرتك شبه مضمونة تعدي نظام ATS وتوصل لعين المسؤول عن التوظيف.
الأسئلة الشائعة عن فحص السيرة الذاتية ATS
1. هل فحص الـ CV مجاني دايماً؟
بصراحة، لأ مش دايمًا. في أغلب المواقع اللي بتقدم فحص السيرة الذاتية ATS بيكون فيه خطة مجانية بتديك تحليل بسيط أو جزئي، لكن التحليل الكامل اللي فيه تفاصيل الكلمات المفتاحية والتنسيق بيكون في النسخة المدفوعة. يعني ممكن تبدأ مجانًا، بس لو عايز نتيجة دقيقة 100%، هتحتاج تشترك في الباقة المدفوعة.
2. كم مرة لازم أفحص الـ CV؟
الأنسب إنك تفحص سيرتك الذاتية كل مرة تعدّل فيها عليها أوقبل ما تقدم على وظيفة جديدة لأن كل شركة ليها نظام ATS مختلف شوية فلو غيرت كلمة أو زودت مهارة أو اعمل فحص جديد عشان تتأكد إنها متوافقة مع النظام وما تضيعش فرصتك.
3. هل نظام الـ ATS بيقرا الجداول أو الصور في الـ CV؟
لا ودي من أهم الأخطاء اللي ناس كتير بتقع فيها نظام الـ ATS ما بيعرفش يقرأ الجداول المعقدة أو الصور وده ممكن يخلي معلوماتك تختفي تمامًا في الفحص حاول دايمًا تستخدم تنسيق بسيط ونصوص واضحة من غير رموز أوتصاميم معقدة.
4. إيه الفرق بين الـ ATS وفحص الـ CV العادي؟
الفرق كبير جدًا الفحص العادي ممكن يقولك إن السيرة شكلها حلو ومنظمة لكن فحص الـ ATS بيقيسها من وجهة نظر النظام اللي الشركات بتستخدمه فعلاً لاختيار المرشحين يعني الـ ATS بيركز على الكلمات المفتاحية والتنسيق والملائمة مع وصف الوظيفة وده اللي بيخليك تعرف هل الـ CV بتاعك فعلاً هيعدي الفحص ولا هيتشال قبل ما حد يشوفه.
الخاتمة
لو فعلاً عايز تزيد فرص قبولك في أي وظيفة لازم تعمل فحص السيرة الذاتية ATS مجانا قبل ما تبعتها المواقع اللي فوق هتسهل عليك المهمة جدًا سواء كنت عايز حاجة مجانية زي Rezi، أو دقيقة جدًا زي Jobscan ابدأ دلوقتي وعدّل سيرتك لحد ما تكون متوافقة تمامًا مع متطلبات الوظائف اللي بتحلم بيها.
